पनवेल परिसरात ५ कोरोना रुग्णांची नोंद :
कामोठे , खांदाकॉलनी ,खारघर , उरण , पनवेलचा समावेश
पनवेल : लढवय्या रोखठोक न्यूज नेटवर्क
पनवेल महानगरपालिका हद्दीमध्ये आज आज पुन्हा एकदा ५ कोरोना बाधित रुग्ण आढळून आले आहेत त्यामध्ये
कामोठे ,खांदाकॉलनी ,खारघर ,
जासई - उरण , नेरे - पनवेल या विभागांचा समावेश आहे.
त्यापैकी कामोठे - ०१ , खांदाकॉलनी - १ , खारघर - १ , जासई - उरण - १ , नेरे - पनवेल - १ अशा एकूण पाच रुग्णांची नोंद करण्यात आली आहे त्यामुळे पनवेल महानगरपालिका परिसरातील कोरोना चा धोका आता वाढताना दिसत आहे.
कामोठे येथील १ व्यक्ती कोव्हिड - १९ पॉझिटिव्ह आलेली आहे . ती व्यक्ती ताज हॉटेलमध्ये शेफचे काम करत असून ताज
हॉटेलमध्ये संक्रमित अन्य ८ व्यक्तींबरोबर यांचाही समावेश आहे . सध्या ती व्यक्ती नवी मुंबई महानगरपालिकेच्या कोव्हिड - १९
रूग्णालयात दाखल असून त्यांची प्रकृती स्थिर आहे .
खांदा कॉलनी येथील ८४ वयाची १ व्यक्ती कोव्हिड - १९ पॉझिटिव्ह आलेली असून ती व्यक्ती किडनी व निमोनिया अशा दुर्दम्य आजारापासून गेल्या २ वर्षापासून ग्रस्त आहेत . त्यांना उपजिल्हा रूग्णालय , पनवेल येथे दाखल करण्यात आले होते . त्यांची प्रकृती
स्थिर आहे . परंतु पुढील उपचारासाठी त्यांना एम . जी . एम . रूग्णालय , कामोठे येथे स्थलांतरीत केले आहे .
खारघर येथील सेक्टर २० मधील १ व्यक्ती कोव्हिड - १९ पॉझिटिव्ह आलेली आहे . सदर व्यक्ती १७ मार्च २०२० पासून
डी . वाय . पाटील हॉस्पीटल , नवी मुंबई येथे हृदय रोगावर उपचार घेत आहे .
जासई - उरण येथील १ व्यक्ती कोव्हिड - १९ पॉझिटिव्ह आलेली आहे . सदर व्यक्ती रेल्वेमध्ये ट्रॅकमनचे काम करीत असून
सद्यस्थितीत जगजीवन हॉस्पीटल , मुंबई येथे दाखल आहे . त्यांची प्रकृती स्थिर आहे .
नेरे - पनवेल १ व्यक्ती कोव्हिड - १९ पॉझिटिव्ह आली असून ती व्यक्ती ओकार्ड हॉस्पीटल , मुंबई येथे लॅब टेक्नीशन आहे . ओकार्ड
हॉस्पीटलने त्यांच्या सर्व टेक्नीशनच्या केलेल्या कोव्हिड - १९ च्या तपाणीमध्ये सदर व्यक्ती कोव्हिड - १९ पॉझिटिव्ह आली होती .
आता सदर व्यक्ती पुर्णपणे बरी झाली असून त्यांना सेवन हिल्स हॉस्पीटलमध्ये Isolation मध्ये ठेवण्यात आलेले आहे .
