उलवे मधील सेक्टर २० व आजूबाजूचा परिसर करोना विषाणू बाधित क्षेत्र म्हणून घोषित

 उलवे मधील सेक्टर २० व आजूबाजूचा परिसर
   करोना विषाणू बाधित क्षेत्र म्हणून घोषित                       
      अलिबाग : लढवय्या रोखठोक न्यूज नेटवर्क
   पनवेल  तालुक्यातील उलवे येथील साई गणेश रेसिडेन्सी बिल्डिंग, सेक्ट र२० प्लॉट क्र.११३ व त्याच्या आजूबाजूच्या परिसरामध्ये करोना विषाणूचा प्रादूर्भाव टाळण्यासाठी दि.४ मे २०२० पर्यंत हे क्षेत्र Containment Zone (करोना विषाणू बाधित क्षेत्र) म्हणून घोषित करण्यात आले आहे.
          या परिसरात राहणाऱ्या नागरिकांना घरातून बाहेर पडण्यास व अन्य ठिकाणी स्थलांतरित होण्यास तसेच बाहेरून येणाऱ्या लोकांना या बाधित क्षेत्रात प्रवेश करण्यास जिल्हादंडाधिकारी तथा अध्यक्ष, आपत्ती व्यवस्थापन प्राधिकरण, रायगड  श्रीमती निधी चौधरी यांनी प्रतिबंध आदेश लागू केले आहेत. 
         या आदेशाचे उल्लंघन करणाऱ्यांवर आपत्ती व्यवस्थापन अधिनियम २००५ कलम ५१ व तसेच महाराष्ट्र पोलीस अधिनियम १९५१ चे कलम ७१, १३९ तसचे भारतीय दंड संहिता ४५ ऑफ १८६० च्या कलम ८८ अन्वये कारवाई करण्यात येईल, असे अध्यक्ष आपत्ती व्यवस्थापन प्राधिकरण रायगड तथा जिल्हाधिकारी श्रीमती निधी चौधरी यांनी कळविले आहे.