पनवेल हद्दीत २ कॊरोना रुग्ण
मुंबई येथील वैद्यकीय अधिकारी व सफाई कामगाराचा समावेश .
पनवेल : लढवय्या रोखठोक
पनवेल परिसरातील आज २ कोरोना बाधित रुग्णांची नव्याने नोंद झाली आहे.
पनवेल मधील खांदा कॉलोनी व नवीन पनवेल या परिसरातील २ नवीन रुग्ण आढळले असल्याने परिसरात घबराट पसरली आहे .
यामध्ये मुंबई येथील एका वैद्यकीय अधिकारी तसेच एका सफाई कर्मचाऱ्याचा समावेश आहे .
सिडको कॉलनी , नविन पनवेल येथील ५१ वर्षीय १ व्यक्ती कोव्हिड - १९ पॉझिटिव्ह आलेली आहे . सदर व्यक्ती बृहन्मुंबई महानगरपालिकेमध्ये सफाई कामगार म्हणून कार्यरत आहे . सदर कामाच्या ठिकाणीच त्यांना संसर्ग झाल्याचा प्राथमिक निष्कर्ष आहे .
खांदा कॉलनीमधील १ महिला डॉक्टर कोव्हिड - १९ पॉझिटिव्ह आलेल्या आहेत . त्या बॉम्बे पोर्ट ट्रस्ट , मुंबई येथे वैद्यकीय अधिकारी म्हणून कार्यरत आहेत .
