तळोजात निर्जंतुकीकरण करण्याकडे पालिकेचे दुर्लक्ष ;
नागरिकांनी व्यक्त केली खंत
तळोजा : लढवय्या रोखठोक
तळोजा फेज १ परिसरात सध्या धूर फवारणी व निर्जंतुकीकरण करण्यासाठी येथील नागरिक वारंवार मागणी करत असून महानगरपालिकेकडून कोणत्याही प्रकारची दखल घेतली जात नसल्याची खंत येथील रहिवाशांनी व्यक्त केली आहे .
सध्या देशाला करोना विषाणूचे ग्रहण लागलेले असताना शहरात बऱ्याच ठिकाणी योग्य अशी उपाययोजना केली जात नसल्याने आरोग्याचा गंभीर प्रश्न निर्माण झाला आहे .
तळोजा फेज १ परिसरात स्वच्छता ठेवण्यासाठी दिरंगाई होत असल्याचे येथील रहिवासी सांगतात .
गेल्या काही दिवसापूर्वी पनवेल महानगरपालिकेचे आयुक्त गणेश देशमुख यांना तक्रार करून देखील कोणत्या प्रकारची हालचाल होत नसल्याचे येथील राहिवासीयांचे म्हणणे आहे .
थेट आयुक्तांना तक्रारीचे मसेज पाठवून देखील कोणत्याही प्रकारची दखल घेतली जात नाही .
करोना च्या भीती मुळे व अपुऱ्या सोयीसुविधे मुळे नागरिक हवालदिल झाले आहेत.
तळोजा फेज १ येथील सामाजिक कार्यकर्ते प्रसाद ढगे पाटील यांनी या भागात लवकरात लवकर धुर फवारणी व निर्जंतुकीकरण करण्याची मागणी केली आहे .
