आईडीबीआय बँकेचे एटीएम फोडले
कळंबोली / लढवय्या रोखठोक
कळंबोली शहरातील सुरक्षा आता वाऱ्यावर आली आहे . कळंबोली शहरातील सेक्टर १७ येत आईडीबीआय बँकेचे एटीएम अज्ञात चोरट्यांनी फोडले आहे . गॅस कटर च्या साह्याने चोरट्यांनी या एटीएम मशीनला कापण्याचा प्रयत्न केला चोरट्यांच्या हातात काही लागलेले नसून पुन्हा एकदा एटीएम सुरक्षा वाऱ्यावर असल्याचे झळझळीत वास्तव समोर आले आहे .
मागील काही महिन्यांपूर्वी खारघर व तळोजा याठिकाणी देखील एटीएम फोडण्याच्या घटना घडल्या असून शरतील पोलीस वारंवार पेट्रोलिंग करून देखील अशा घटना घडतात तरी कशा असा प्रश्न आता प्रश्न उपस्थित होत आहे .
कळंबोली आयडीबीआय बँकेच्या हलगर्जीपणा व एटीएम बाहेरील सुरक्षेचा अभाव असल्याने चोरट्याने आत गॅस कटर च्या साह्याने मशीन कापण्याचे धाडस केले आहे .
या प्रकरणी कळंबोली पोलीस ठाण्यात अज्ञात चोरट्या विरोधात गुन्हा दाखल झालेला असून सीसीटीव्हिच्या माध्यमातून पुढील तपास सुरू आहे .
वारंवार घडणाऱ्या अशा घटनांमुळे शहरांची सुरक्षा वाऱ्यावर आली आहे .
